ద్వంద ప్రమాణాలు

రోజంతా టీవీలలో చెప్పెదరు చాడీలు
వారంతా పెట్టుబడిదారి కేడీలు
వెయ్యండి వాళ్ళ చేతులకి బేడీలు

తాను పాటించని నీతులు చెప్పే మీడియా
ప్రజాస్వామ్యానికి ఎంతో చేటయా
మన మేధావుల ద్వంద ప్రమాణాలు
సమాజానికి సలపరపెట్టే వ్రణాలు

బతుకు వెతలు

విధ్వంసానికి మనమంతా జతకడతాం
మన ఆస్థులు మనమే తగలెడతాం
ధరలు పెరిగాయని తెగతిడతాం
మన బతుకులింతేనని సరిపడతాం

ఉన్మాదంతో చేసేది ఉద్యమమే కాదు
హింసా మార్గానికి అంతమనేది లేదు
వ్యక్తులుగా మనం ఎదుగని నాడు
సమాజానికి పెరుగును కీడు

చక్కని ఇల్లు

ఎన్నో రోజులు వంచి ఒళ్ళు
ఇటిక ఇటిక పేర్చి వాళ్ళు
కట్టుకున్నారు ఎంచక్కని ఇల్లు

చిచ్చుపెట్టగా కొందరు నాయాళ్ళు
రెచ్చిపోయి ఒకరోజు వాళ్ళు
కూల్చుకున్నారు ఆచక్కని ఇల్లు