నారదముని

ముల్లోకాలు తిరుగుతూ చెంగుచెంగుమని
శ్లోకాలు పాడుతూ ఖంగుఖంగుమని
అనుక్షణం తలిచేది శ్రీమన్నారాయణుని
ఏక్షణాన నిలిచేది ఎక్కడో నారదముని!

చిలికి చిలికి పలు వివాదాల్ని
చిలిపి తగాదాల మన కొంటెముని
తమాషాగా చేసే పనులు కొన్ని
హమేషా పరేషాన్ చేసేవి కొందర్ని

పేకాట పురాణం

పేకాటంటే ఎందరికో భలే మోజు
ఈఆటలో ఓడడం కొందరికి రివాజు
ప్లేసులు మారడం అర్ధంలేని క్రేజు
లాభం స్వల్పం,నువ్వు గెలిచిన రోజు

వినగానే ఈ విచిత్రపదం రమ్మి
లేచి కూర్చోదా పిరమిడ్లోని మమ్మి!
కాలక్షేపానికి తాతలు ఆడిన రమ్మీ
ఇంకా మనకేలనో ఈ ఆట చెప్మీ!