జ్ఞానజ్యోతి వెలిగే చోటు

జ్ఞానజ్యోతి వెలిగే చోటు
చీకటిని తరిమీ కొట్టు
చీకటి అంటే అజ్ఞానం
అణిగి ఉన్న అరాచకం

జ్ఞానజ్యోతి వెలిగే చోటు
చీకటిని తరిమీ కొట్టు

ఈచీకటిలోన భయము
చేయునులే కాపురము
భయంలోంచి పుట్టును ద్వేషము
మనలో పెంచును రాక్షసము
భయంలోంచి పుట్టును ద్వేషము
అది మనలో పెంచును రాక్షసము

జ్ఞానజ్యోతి వెలిగే చోటు
చీకటిని తరిమీ కొట్టు
వెలుగంటే చక్కని ఆలోచన
మనలో పెంచును అవగాహన
వెలుగంటే చక్కని ఆలోచన
అది మనలో పెంచును అవగాహన

వెలుగంటే జ్ఞానోదయము
ప్రేమతో నిండును నీహృదయము
వెలుగంటే జ్ఞానోదయము
ప్రేమతో నిండును మన హృదయము

జ్ఞానజ్యోతి వెలగాలంటే
ఈచీకటి తొలగాలంటే
చదువు చూపును మార్గము
చదువు చూపును మార్గము

చదువు ఇచ్చును చైతన్యం
తీర్చిదిద్దును మన భవితవ్యం
జ్ఞానజ్యోతిని వెలిగించుదాము
శాంతిసుమాలే పంచుదాము

జ్ఞానజ్యోతిని వెలిగించుదాము
శాంతిసుమాలే పంచుదాము

సహజీవనము

చేతిలో చేయి వేసుకుని
కొత్త ప్రేమికుల్లా
ఎక్కడచూసినా వాళ్ళే

మొదట్లో తను
అతన్ని నీడలా అనుసరించేది

కొంతకాలం అతనూ
ఆమె వెంటపడ్డాడు

చాన్నాళ్ళుగా పేదరికము,తీవ్రవాదం
చేస్తున్నాయి సహజీవనం