నవలా సార్వభౌమా!

తరగతి గదిలోకి పరధ్యానంలా
తిరునాళ్ళలోని కక్కుర్తిలా
ఇలా వచ్చావేం నవలాసార్వభౌమా?

వారపత్రికలలో నీవు జరిపిన
సాహిత్యరతితో జన్మించిన
భూతవైద్యుల్,కుహానా మేధావులన్
చూసిపోదామని వచ్చావా?

పరిశోధనంటావు,పరిశీలనంటావు
అసలే సినీ కామెర్ల రోగివి నీవు
అందునా విదేశీ పైత్యాన్ని
పధ్యంగా మొదలిడినావు

గ్రంధచౌర్యంలో నువ్వు సవ్యసాచివి
ఏ ఎండకా గొడుగుపట్టే నంగనాచివి
నీరచనలతో వచ్చేను మెదళ్ళకు వాపు
నీజబ్బలకు లేదయ్యా ఎన్నడూ అలుపు

( శ్రీశ్రీ శరచ్చంద్రిక ప్రభావంలో.. 90లో అల్లినది. )