అభాగ్యులు

ఆశయాలంటూ ఒకడు అడివికి వెళితే
అవకాశాలంటూ మరొకడు విదేశం పోయెను
ఆదర్శాల కొలిమిలో కాలుతుండెనొకడు
అవసరాల చెలిమిలో నలుగుతుండె మరొకడు

ఒకడు ఎన్నటికి ఇంటికి రాలేడు
మరొకడు ఎందుకనో స్వదేశం పోలేడు
అమ్మానాన్నలు ఆశ్రమంలో అనాధలయ్యారు
వృద్ధాప్యంలో ఒంటరి అభాగ్యులయ్యారు

ఒకడు ఆత్మవంచనలో మునిగెను నిత్యం
మరొకని ఆత్మయే మరచెను సత్యం
కన్నవారిపై ఆదరణలేని ఈ నాయాళ్ళూ
కారా ఎన్నటికీ ముసలాళ్ళు?

ఒకడికి ఈ వ్యవస్ధ పై అర్ధంలేని కోపం
మరొకడి అవగాహనలోనే ఉంది ఏదో లోపం
తల్లిదండ్రులుండీ అనాధలయ్యారు
వారిని సేవించుకోలేని అభాగ్యులయ్యారు

True Treasure

I am neither CEO nor the governor of any state
Not even the owner of a farm house or estate
I live in libraries and parks or at the banks of brooks
My only assets are few nice friends and plenty of great books

My daily food is a piece of bread
A day without reading, I think I am dead
My reading includes philosophy, art and literature
A real feast for my mind, spirit soars with rapture

With Socrates or Russell, I can have a conversation
To talk to Tolstoy or Dostoyevsky, no need of invitation
Any day or time, for me, they all come in queue
Many evenings we celebrate an intellectual barbeque

Reading great books is a spiritual experience
Learning lessons from the history is my science
With money, success I never measure
For me, knowledge is the true treasure

మరో పనివారం

మరో పనివారం మొదలయింది.
నీ తొలి అపాయింటుమెంట్ కి రిటైర్మెంట్ కి మధ్య ఎన్నో వారమో!
నువ్వు కన్న కలలకి, వాస్తవానికి మధ్య ఎంత అగాధమో!
హోదాల బురదలో కూరుకుపోయిన వ్యక్తిత్వాన్ని
ఆర్ధికావసరాల వరదలో కొట్టుకు పోయిన ఆదర్శాలని
వెతుక్కుంటున్నానుకునే కపటత్వాన్ని ఆపి
త్వరగా మాస్క్ తగిలించుకో.
అదే వేదిక. అదే పాత నాటకం. రక్తి కట్టించు.
అవే గాయాలు. అదే వంచన.
నువ్వు కోరుకున్న సలపరం. అలవాటైన వెలపరం.
అతిగా ఆలోచించకు. ఏదో ఒకటి చేసేయ్, క్విక్.
యంత్రంలా పని చేయ్, పనిలేనపుడు గాలి కబుర్లాడు.
చెప్పాలనుకున్న ఒక్క మంచి మాటా, చిల్లర విషయాల
రణధ్వనిలో కొట్టుకుపోయిందని కలత చెందుతూ...
ఏ భావాల పట్ల సిగ్గుపడుతుంటావో, వాటికే
నిన్ను అభినందిస్తోంటే ఖండించలేని నీ నిస్సహయతతో...
మరో పనివారం మొదలయింది.

ఒబామకు నోబెల్

ఒబామకు శాంతి పురస్కారం
ఈ దశాబ్దపు నోబెల్ చమత్కారం
కాదండీ కమిటీ అతనికి చుట్టం
ఏ ప్రమాణాలతో కట్టెనో ఈ పట్టం!

గాంధీకి ఇవ్వడానికి రాలేదు చేతులు
ఎప్పుడూ చెపుతుంటారు శ్రీరంగనీతులు
ఆల్ ఫ్రెడ్ నోబెల్ సమాధిలోంచి ఏదో రోధన
తన వీలునామా మరలా చదవమని అభ్యర్ధన!

ఆంధ్రులు - సరదా పద్యాలు

ప్రదేశాలు ఎన్ని మారినా
ఉద్దేశాలు ఇంచుమించుగా ఒకటే
మన ఆంధ్రులు ఎప్పుడూ మెచ్చేది
పప్పన్నం విత్ ఆవకాయ పచ్చడే

రోజులో ఒక్కసారైన వినాలి పితూరి
లేదంటే ఆగిపోదా మన ఊపిరి?
చీమకైన తలపెట్టగలమా హాని,
అంటూనే చేసేయగలం గాసిప్స్ తో ఖూని

మొదటి పలకరింపుకి భలే నామోషి
చనువొచ్చాకా మొదలెడతాం అజమాయిషి
అడక్కుండానే కేటాయిస్తాం మన సమయం
ఉడుక్కుంటూనే చేసేస్తాం బోలెడు సాయం

గుంపులో గోవిందం మనకెంతో ఇష్టం
కలవనివాడి బ్రతుకు చేసేస్తాం బహుకష్టం
వదులుకోలేం కొన్ని బలహీనతలు ఎంతమాత్రం
కొద్ది పరిచయంతోనే అడిగేస్తాం కులం గోత్రం

జనం కోసం జగన్

జగన్ని ముఖ్యమంత్రి చేయాలని హోరెత్తిన ప్రచారం
ధనం మీడియాతో కలిసి చేస్తోంది రహస్య వ్యభిచారం
సతీసహగమనం అలనాటి దురాచారం
రాజకీయ వారసత్వం అనాదిగా మన గ్రహచారం

అంతరిక్షంలోకి పంపగలిగాం రాకెట్టు
కాని ప్రజాస్వామ్యం వేస్తోంది ఇంకా పరికిణి జాకెట్టు
ఈ సానుభూతి రాజకీయం ఒక కనికట్టు
సోదరా, పెట్టకు రాష్ట్ర భవితను తాకట్టు

త్యాగమూర్తి సోనియా

త్యాగమూర్తట మన సోనియా
ఎప్పటకి తగ్గునో ఈ మేనియా!
ఎవరకి దక్కేను అంత భోగం?
ఇంతకి ఏమిటీ ఆవిడ చేసిన త్యాగం?!

రాజీవుని ప్రేమించెను
ఇందిరనే మురిపించెను
ఖత్రోచిని కరుణించెను
అసమ్మతిని మట్టి కరిపించెను

తీసుకునెనులే మన పౌరసత్వం
తెలియనిదా దాని వెనుక అసలు తత్వం!
పాలించమని సాష్టాంగపడుతున్న నపుంసకత్వం
ఎన్నాళ్ళో ఈ బానిస మనస్తత్వం?!

ఇచ్చేయండి త్వరగా భారత రత్నం
క్యూలోనే ఉన్నాడులే పుత్ర రత్నం
ఒక్కడైనా చేయునా ఎదిరించే ప్రయత్నం?
ఒక్కడైనా చేయునా ఎదిరించే ప్రయత్నం!